Россия Туркия ва Сурия ўртасидаги муносабатларни нормаллаштиришга тайёрлик ҳақидаги сигналларни «маъқуллайди». Бу ҳақда Россия Ташқи ишлар вазирлиги вакили Мария Захарова брифингда маълум қилди.
Унинг қайд этишича, «минтақада тинчлик ва барқарорлик ўрнатишга интилаётган Остона форматидаги» давлатлар ҳам бу жараёнда воситачи бўла олади.
Жорий йилнинг 25 январь куни Остона шаҳрида Россия, Эрон, Туркия ва Сурия вакиллари иштирокида Сурия бўйича «Остона формати» доирасидаги 21-халқаро йиғилиш бўлиб ўтди.
