"Мен бу тўлов учун чекларни ёзиб бериш пайтини интиқлик билан кутяпман!"

Трамп 20 миллион фуқарога 90 доллардан тўланишини эълон қилди ва республикачилар оралиқ сайловларда ғалаба қозонса, америкаликларга 5000 доллардан беришга ваъда берди.

АҚШ президенти Доналд Трамп Medicare дастури бўйича суғурта бадаллари харажатларини қоплаш мақсадида 20 миллиондан ортиқ кекса америкаликларга бир марталик тўловлар амалга оширилишини эълон қилди. У бу ҳақда Truth Social ижтимоий тармоғидаги саҳифасида маълум қилди. Тўловларнинг умумий суммаси тахминан 2 миллиард долларни ташкил этади.

Сентябр ойи бошида Трамп агар Республикачилар партияси оралиқ сайловлар якунига кўра Конгресснинг Вакиллар палатаси ва Сенати устидан назоратни ўз қўлида сақлаб қолса, ҳар бир вoяга етган америкаликка 5 минг доллардан тўлашга ваъда берган эди. Президентнинг партияси ғалаба қозонган тақдирда америкаликларга 1 триллион доллардан ортиқ давлат маблағларини тарқатишни назарда тутувчи ушбу ваъдани Оқ уй раҳбари Далласдаги республикачилар қурултойи минбаридан туриб айтган эди.

3 октябр куни, Конгресс сайловларига бир ой муддат қолганида, АҚШ президенти ўз ваъдасини такрорлаб, "Мен бу тўлов учун чекларни ёзиб бериш пайтини интиқлик билан кутяпман!", деди.