Россия ТИВ АҚШ томонидан қўлга олинган Маrinera танкери экипажидаги икки россиялик қўйиб юборилганини маълум қилди

Россия ТИВ АҚШ томонидан қўлга олинган Маrinera танкери экипажидаги икки россиялик қўйиб юборилганини маълум қилди — The Insider.

АҚШ қирғоқ қўриқлаш хизмати Маrinera'ни 7 январ куни Шимолий Атлантикада қўлга олганди. Вашингтон ушбу танкер Венесуэла нефтининг ноқонуний савдосида иштирок этганини даъво қилмоқда.

Маrinera экипажида икки нафар россиялик, шунингдек, Украина, Грузия ва Ҳиндистон фуқаролари бўлган. “Новая газета Европа” танкер Россиянинг “Буревестмарин” компаниясига тегишли эканлигини, унинг эгаси Иля Бугай эса илгари Қримда яшаган, кейинчалик Москвага кўчиб ўтган шахс эканлигини аниқлаган.

Россия Ташқи ишлар вазирлиги вакили Мария Захарова танкер ҳибсга олинганидан икки кун ўтиб, Москва Вашингтондан россияликларни қўйиб юборишни сўрагани, шундан сўнг Трамп маъмурияти тегишли қарор қабул қилганини маълум қилганди.