Россия давлат телевидениесидаги Кремль тарғиботчиси Шимолий Корея аскарлари Украина билан урушда иштирок этаётганини камдан-кам тан олди. У бу аскарлар катта талафот кўрганини ва янги кучлар келиши кутилаётганини маълум қилди.
Киевнинг тахминларига кўра, Шимолий Корея аскарларининг 4 мингга яқини - тахминан учдан бир қисми ҳалок бўлган ёки яраланган, аммо бу рақам ҳали тасдиқланмаган. Ўтган ойда улар фронт чизиғидан чекингани ҳақида хабарлар тарқалганди, бироқ Украина президенти Володимир Зеленский уларнинг бир қисми қайтиб келганини айтди.
Россиянинг "Россия-1" давлат телеканалидаги "60 дақиқа" кўрсатувининг сўнгги сонида сиёсий таҳлилчи ва меҳмон Дмитрий Абзалов Шимолий Корея аскарларининг жанг майдонидаги иштироки ҳақида кутилмаган эътирофда бўлди.
"Шимолий Кореялик жангчи аскарлар тугаб қолди, кейинги гуруҳ бир ой ичида келади," деди у Украина ички ишлар вазирининг собиқ маслаҳатчиси Антон Герашченко Х ижтимоий тармоғида жойлаштирилган инглизча таржимага кўра.
"Ҳозирда Шимолий Кореядан келган аскарлар қолмади," дея қўшимча қилди у.
Олга СкабеЭва ҳайратланиб: "Давлат оммавий ахборот воситалари бу ҳақда хабар бермаганди-ку," деганида, Абзалов вазиятни Россиянинг 2022 йилда Украинада Эронда ишлаб чиқарилган ўз-ўзини йўқ қилувчи дронлардан фойдаланганини дастлаб инкор этганига ўхшатди.
Кремлнинг ғалати баёноти
Америкаликлар Зеленскийга бир соат вақт берди
Хитойликлар Тошкентда байроқ кўтариб оммавий тадбир ўтказди
