Финляндиянинг Россиядаги элчиси Антти Хелантеря душанба куни Россия Ташқи ишлар вазирлигига чақирилди. Бу ҳақда Россия ТИВ сайтида чоп этилган хабарда айтилади.
Хабарда айтилишича, дипломат Финляндия расмийларининг Россия ва Финляндия чегарасидаги бир қатор назорат-ўтказиш пунктларини ёпиш ҳақидаги қарори муносабати билан ўз норозилигини билдирган.
“Россия томони Финляндия ҳукумати томонидан Россия-Финляндия давлат чегарасидаги энг фаол фойдаланиладиган назорат-ўтказиш пунктларини ёпиб қўйгани муносабати билан норозилик билдирди”, — дейилади баёнотда.
Россия Ташқи ишлар вазирлиги Хельсинки қарорини “провокацион” ва “икки томонлама муносабатларни кескинлаштиришга уриниш” деб атади.
“Ўтказиш пунктларининг ёпилиши ўн минглаб мамлакатларимиз фуқароларининг ҳуқуқ ва манфаатларини бузади. Қарор Россия томони билан ҳеч қандай маслаҳатлашувларсиз шошқалоқлик билан қабул қилинган, улар аввал қўшма корхонанинг самарали фаолиятини таъминлаш бўйича ҳамкорликнинг ажралмас қисми бўлган", - дея қайд этди Россия ТИВ
Ўтган ҳафта бошида Финляндия Россия Федерацияси билан чегарадаги саккизта назорат-ўтказиш пунктидан тўрттасини ёпган эди. Финляндия расмийлари бу қадамни мамлакатга киришга уринаётган мигрантлар билан боғлиқ вазият билан изоҳлади. Кейинчалик бешинчи Вартиус назорат пункти ҳам ёпилди.
Хитой ва Япониядан кейин Россия ҳам шу таклифни бермоқда
Лионел Месси "Интер Маями" билан янги шартномага қарамай, 2025-йилда Европа футболига шов-шувли қайтиши мумкинлиги ҳақида тушунтириш
РФ учун яна бир “бош оғриқ” пайдо бўлди
