Россия шакар экспортига вақтинчалик тақиқ жорий қилди

Россияда қамиш ёки лавлаги шакар ва кимёвий тоза сахароза экспортига вақтинчалик тақиқ жорий қилинмоқда. Бу ҳақдаги қарор имзоланди.

🗓Чеклов 2024 йил 31 августгача амал қилади. Қарор ички озиқ-овқат бозори барқарорлигини сақлашга қаратилган.

Қарорда бир қатор истиснолар назарда тутилган. Шундай қилиб, ЕОИИ мамлакатларига маълум ҳажмларда шакар этказиб бериш мумкин бўлади:
• Арманистонга – 28 минг тонна,
• Беларусга – 5 минг тонна,
• Қозоғистонга – 120 минг тонна,
• Қирғизистонга – 28,5 минг тонна.

Қишлоқ хўжалиги вазирлигига ушбу ҳажмларни ташқи савдо фаолияти иштирокчилари ўртасида тақсимлаш топширилди.