Нашрнинг манбаларига таяниб хабар беришича, Россия 8 ноябрда Украинанинг Хмелнйцкий ва Ривненская АЭСларига хизмат кўрсатувчи подстанцияларга зарбалар берган.
Ушбу зарбалардан кейин Украина ташқи ишлар вазири Андрей Сибига Халқаро Атом Энергетикаси Агентлигининг фавқулодда йиғилишини ўтказишни талаб қилди. Сибига, шунингдек, Хитой ва Ҳиндистон каби ядро давлатларини Россияга таъсир кўрсатиш учун ҳаракат қилишга чақирди.
Таъкидлаш жоизки, АЭСлар подстанцияларига зарба бериш Украинадаги энергия тизими учун энг хавфли сценарий ҳисобланади, чунки АЭСлар мамлакатдаги электр ишлаб чиқаришнинг катта қисмини таъминлайди. Агар подстанциялар узоқ муддат ишламай қолса, АЭС энергия блокларини тўхтатишга мажбур бўлади ва Украинада катта миқдорда электр энергияси тақчиллиги юзага келади. Бу тақчилликни бошқа манбалар (ИЭС ва ГЭС) ёки Европадан импорт билан қоплаш қийин бўлади. Натижада, Украинада блэкаут юзага келиши мумкин
Ким Чен Иннинг саломатлигига доир айрим маълумотлар ошкор қилинди
Эрлинг Ҳоланд «Реал Мадрид»га ўтмоқчи!
Нью-Йоркнинг янги мусулмон мэри — Мамдани, аслида, ким?
