Россия қўшинларини Харков йўналишидан Курскга олиб кетмоқда

Россия қўшинларини Харков йўналишидан Курскга олиб кетмоқда. Бу ҳақда The Economist Украина Қуролли кучлари Бош штабидаги манбага таяниб хабар берди.

Курск вилоятидаги операциянинг якуний мақсадлари ҳалигача ноаниқ, дея қайд этади журналистлар. Аммо, афтидан, Украина ҳарбийларининг минимал вазифаси рус қўшинларини Харков ва Донетск вилоятларидаги фронт секторларидан олиб чиқишдир. Ҳозирча натижалар «ноаниқ», деб ёзади The Economist.

«Уларнинг [Россия қўшинлари] қўмондонлари аҳмоқ эмас. Улар кучларни ҳаракатга келтирадилар, лекин биз хоҳлаганчалик тез эмас. Улар билишадики, биз логистикани 80 ёки 100 километрдан кўпроқ узайтира олмаймиз», - деди нашрнинг Украина Қуролли Кучлари Бош штабидаги суҳбатдоши анонимлик шарти билан.

Журналистларнинг сўзларига кўра, Россия кучларнинг бир қисмини Харков йўналишидан кўчирган, аммо Донбасс ҳудудидаги фронтдан нисбатан камроқ қўшин олиб чиқилган.