Россия қуролли кучларининг Днепропетровскка уюштирган ҳужумлари оқибатида тўрт киши ҳалок бўлди

Украинанинг Днепропетровск вилоятида Россия авиазарбалари натижасида тўрт киши ҳалок бўлди ва 13 киши яраланди.

Бу ҳақда вилоят ҳарбий маъмурияти раҳбари Александр Ганжа ўзининг Телеграм-каналида эълон қилди.

Унинг сўзларига кўра, Россия кучлари бугун кечқурун минтақанинг олтита туманига дронлар, артиллерия ва ҳаво бомбалари ёрдамида зарба берган.

"Днепрда таълим муассасалари, кўп қаватли уйлар, озиқ-овқат омбори ва автомобиллар шикастланган. Икки киши ҳалок бўлган. Тўққиз киши яраланган", деб ёзган у.

Ганжа шунингдек, Никопол, Синелниковский, Кривой Рог, Самаровский ва Каменский туманларига ҳам зарбалар берилганини, у ерда инфратузилма ва хусусий уйлар шикастланганини ва яна икки киши ҳалок бўлганини таъкидлади.