“Россия НАТО ҳудудига эртагаёқ ҳужум қилиши мумкин”

Германиялик генерал Александр Золфранк Москва исталган пайтда алянс давлатларига ҳужум уюштириш имконига эгалигини таъкидлади.

“Россиянинг ҳозирги ҳарбий салоҳиятига кўра, мамлакат НАТО ҳудудига эртагаёқ кичик, тезкор ва ҳудудий чегараланган ҳужум уюштириши мумкин. Аммо бу кенг кўламли уруш бўлмайди — Россия ҳозир Украинадаги жанглар билан банд. Агар Россия қуролланишни ҳозиргидек давом эттирса, 2029 йилга бориб НАТОга кенг миқёсли ҳужум уюштириш қудратига эга бўлиши мумкин”, деган генерал-лейтенант Александр Золфранк.