Россия Мудофаа вазирлиги: Украинанинг Сосновка аҳоли пункти назоратга олинди

Россия Мудофаа вазирлиги маълум қилишича, Днепропетровск вилоятидаги Сосновка қишлоғи “Восток” ҳарбий гуруҳининг фаол ҳужум ҳаракатлари натижасида Россия қўшинлари назоратига ўтди.

Вазирликка кўра, Россия Қуролли Кучлари авиацияси, дронлари, ракета қўшинлари ва артиллерияси Украина ва хорижий қўшинларнинг вақтинча жойлашув пунктларига, шунингдек, қурол-аслаҳа омборларига зарба берган.

Шунингдек, Россия Ҳаво ҳимоя тизими 3 та бошқарилувчи ҳаво бомбаси, 4 та АҚШда ишлаб чиқарилган HIMARS ракетаcи, 1 та “Neptun” ракетаcи ва 166 та дронни йўқ қилгани қайд этилди.