Россия Марказий банки Давлат думасига банклар мижозларга рақамли рубль билан операцияларни амалга ошириш имкониятини беришни бошлашлари керак бўлган санани белгилаш таклифини юборди.
Регуляторнинг эълон қилинган таклифига кўра, энг йирик, тизимли аҳамиятга эга банклар 2026 йил 1-сентабрдан бошлаб бундай операцияларни амалга ошириш имкониятини очиши керак.
Худди шу санадан бошлаб энг йирик банкларнинг мижозлари бўлган ва ўтган йилдаги даромади 120 млн рублдан ошган савдо компаниялари рақамли рубль учун ўз инфратузилмасини очишлари керак.
Улар миллий валютанинг рақамли шаклида товарлар ва хизматлар учун тўлов имкониятини таъминлашлари лозим.
Интерфакс нашрининг аниқлик киритишича, ҳозирда энг йирик банклар қаторига 11 та тизимли аҳамиятга эга кредит ташкилотлари киради. Булар Сбербанк, Т-Банк, Газпромбанк, Альфа-банк, ВТБ, Совкомбанк, ПСБ, РСХБ, Москва кредит банки, Райффайзенбанк ва Юникредит банкдир.
Тўлов хизматлари бозоридаги муҳим банклар рўйхатига олтита банк киритилган: Озон банк, Почта банк, Урал тикланиш ва тараққиёт банки (УТТаБ), РНКБ, “Санкт-Петербург” ва “Русский стандарт”.
Жоирй йил февралида Россия банки рақамли рублни оммавий жорий этиш муддатини кечиктириши ҳақида маълум қилганди.
Абдуқодир Ҳусанов «Барса»га ўтиши мумкин — Деку уни «келажак ҳимоячиси» деб билади
Доллар курси яна кескин «қулади»
Исроил Эрон билан уруш тугаганини расман эълон қилди
