Россия Европадаги энг йирик литий конларидан бирини назоратга олди

Россия қўшинлари икки кун аввал Донецк вилоятида жойлашган Шевченко қишлоғини ўз назоратига олди. Бу кичик аҳоли пункти жуда катта стратегик аҳамиятга эга — у ерда Европадаги энг йирик литий конларидан бири жойлашган.

Баҳоларга кўра, бу ерда тахминан 13,8 миллион тонна руда бор бўлиб, 1,5% литий-оксид миқдорига эга. Бунда тахминан 207 000 тонна литий-оксид ёки 96 200 тонна тоза литий ажратиб олиниши мумкин.

Литий — аккумуляторлар ишлаб чиқаришда асосий стратегик хом ашё ҳисобланади. У смартфонлардан тортиб электромобилларгача бўлган қурилмаларда ишлатилади.

🇺🇸 Украина ва АҚШ ўртасидаги хомашё ҳамкорлиги бўйича келишувларга бу ҳодиса жиддий таҳдид солаётгани айтилаяпти. Чунки Киев ўзининг муҳим ресурсларидан бирини йўқотди.

📌 Эслатиб ўтамиз, Украинада тўртта литий кони бор ва уларнинг иккитаси ҳозир Россия назоратига ўтган. Донецкдаги россиялик расмийлар маълум қилишича, Шевченко конларини ўзлаштириш ишлари вазият барқарорлашиши билан бошланади.