Россия Эронга ҳеч қандай қурол етказиб бермаган

Россия президенти Владимир Путин Россиянинг Эронга қурол етказиб бергани ҳақидаги айбловларни рад этди.

Санкт-Петербург халқаро иқтисодий форуми (СПИЭФ) ялпи мажлисида сўзлаган Путин бу масалага қисқача тўхталиб ўтди.

«Биз Эронга ҳеч қандай қурол етказиб бермадик», — деди Россия раҳбари.

Путин мазкур баёнот билан Москванинг Теҳронга ҳарбий ёрдам кўрсатаётгани ҳақидаги даъволарга муносабат билдирди.

Сўнгги йилларда Ғарб давлатлари ва бир қатор халқаро кузатувчилар Россия ҳамда Эрон ўртасидаги ҳарбий-техник ҳамкорлик юзасидан хавотир билдириб келмоқда. Москва ва Теҳрон эса икки давлат ўртасидаги муносабатлар халқаро ҳуқуқ нормаларига мувофиқ ривожланаётганини таъкидлаб келади.

Путиннинг сўзларига кўра, Россия томонидан Эронга қурол етказиб бериш амалга оширилмаган ва бу борадаги айбловлар ҳақиқатга тўғри келмайди.