Россия ерларини бой бермоқда: Украина қўшинлари ҳали ҳам Курскда олға силжияпти

Ҳарбий таҳлилчиларга кўра, сўнгги кунларда Украина қўшинлари Курск вилоятида олдинга силжишда давом этмоқда.

Урушни ўрганиш институти маълумотларига кўра, улар Сейм дарёси устидаги Россиянинг понтон кўприкларига зарба беришга интилиб, ғарб томонда трансчегаравий операцияларни ўтказган.

Сунъий йўлдошдан олинган суратлар Украина кучлари камида битта шундай кўприкни вайрон қилганини кўрсатмоқда.

Россиялик ҳарбий блогерлар ҳам, Россия Мудофаа вазирлиги ҳам Украина кучлари Вишневка қишлоғини эгаллаб олганини тан олди. Украина қўшинлари Киев назорати остидаги энг йирик аҳоли пункти - Суджа шаҳри яқинидаги ўрмонли ҳудудларда ҳам олдинга силжиган.

Украина шарқида эса Москва кучлари Покровскнинг асосий шарқий транзит марказига зарба бермоқда, ҳар куни 600 га яқин одам қочмоқда.

Россия шарқдаги Торетск шаҳри томон ҳам олдинга интилмоқда, бу шаҳарнинг йўқотилиши Москва кучларини Донбас минтақасидаги Украина кучларининг кўп қисмига қурол етказиб бериладиган йўлга яқинлаштиради.