Мамлакат Энергетика вазирлиги душанба куни Россия жанубидаги ёқилғи тақчиллигига Украинанинг ёқилғи-энергетика мажмуаси объектларига берган зарбалари сабаб бўлганини тан олди.
"Сўнгги вақтларда ёқилғи-энергетика мажмуаси корхоналари душманнинг ҳаво ҳужумлари кучайганига дуч келмоқда, бу эса бир қатор жанубий минтақаларда ёқилғи етказиб беришда вақтинчалик муаммоларни келтириб чиқаряпти", — дея вазирлик матбуот хизматидан иқтибос келтиради ТАСС ахборот агентлиги.
Кремл вакили Дмитрий Песков эса Қримдаги ёқилғи тақчиллигининг сабаби ёки сабабларидан бири "асоссиз ваҳима" эканини таъкидлади.
"Албатта, тегишли органлар ҳеч қандай тақчиллик бўлмаслиги устида ишламоқда. Биз мутлақо асоссиз бўлган ваҳиманинг кўплаб кўринишларини кўраяпмиз", — деди Песков ва агентликнинг хабар беришича, бир неча йил аввал Москва ва Россиянинг бошқа йирик шаҳарларида гречка тақчиллиги бўлмагани ҳолда одамлар уни оммавий тарзда сотиб олганини ҳам эслатди.
"Баъзида бундай ҳиссиётга берилиб қилинган ҳаракатлар сунъий вазиятларни келтириб чиқаради. Аммо такрор айтаман, барча ҳокимият органлари ҳеч қандай тақчиллик юзага келмаслиги учун ишламоқда", — дея таъкидлади Песков.
Миллион россиялик мамлакатни тарк этди
47°C иссиқликда тонг ҳам, тун ҳам йўқ: Ҳиндистоннинг энг иссиқ ҳудудида бир кун
«Жуманжи» актёри ваҳшийларча ўлдирилди
