Россия эълон қилган сулҳ 8 ва 9 май кунлари амал қилади — Кремл

Бу йил 9 май арафасида, анча
мураккаб оператив вазиятни ҳисобга олган ҳолда, қўшимча хавфсизлик чоралари кўрилмоқда, деди Дмитрий Песков.

Унинг сўзларига кўра, Кремл мобил алоқанинг ўчирилиши сабабли бизнес учун қўллаб-қувватлаш ва компенсация чораларини кўриб чиқмаяпти.

"Биласизми, амалдаги қонун доирасида зарур чоралар кўрилмоқда. Улар фуқаролар хавфсизлигини таъминлаш учун керак ва бу мутлақ устувор вазифадир. Шунингдек, яқинда ҳукумат аъзолари билан ўтган йиғилишлардан бирида давлат раҳбари аҳолини тегишли равишда хабардор қилиш зарурлигига эътибор қаратган эди. Аҳолини хабардор қилиш ва ҳаёт фаолияти учун муҳим бўлган тизимлар ишлашини таъминлаш лозим", – дея қўшимча қилди у.

Россия президенти матбуот котибининг брифингдаги бошқа баёнотлари:

— Москвада "Ўлмас полк" акцияси электрон форматда ўтказилади;

— Президент Владимир Путиннинг хавфсизлигини таъминлаш учун бутун дунёдаги ҳар бир давлат раҳбарига нисбатан қўлланиладиган чоралар каби тегишли хавфсизлик чоралари кўрилмоқда.