Россия Қуролли кучлари Бош штаби бошлиғи Валерий Герасимов ўтган ҳафта АҚШ штаб бошлиқлари бирлашган қўмитаси раиси, генерал Чарлз Браунга қўнғироқ қилди.
ABC телеканали хабарига кўра, Герасимов 27 ноябрь куни Браунга қўнғироқ қилиб, Ўртаер денгизида Россия ҳарбий кемаларидан гипертовушли ракеталарнинг яқин орада синовдан ўтказилиши ҳақида огоҳлантирган. У Америка кемаларини хавфсиз масофага чекинишга таклиф қилди. 3 декабрь куни Россия Мудофаа вазирлиги Ўрта эр денгизи шарқий қисмида бўлиб ўтган ушбу синовни оммавий равишда эълон қилди.
«New York Times» газетасининг ёзишича, Герасимов америкалик ҳамкасбига Кремль Орешник деб атайдиган янги ракетанинг синови Байден маъмурияти Украинага тан олинган Россия ҳудудидаги нишонларда ATACMSдан фойдаланишга рухсат беришдан анча олдин режалаштирилганини айтган. Путин ракета зарбасини Россия ҳудудига биринчи ATACMS ҳужумига жавоб сифатида тақдим этган.
