Россия ҳукумати хорижга бензин етказиб беришни нафақат бутун август ойи, балки 2024 йилнинг сентябр ва октябрь ойларида ҳам тақиқлади. Бу ҳақда Россия Давлат думасида чиқиш қилган энергетика вазири ўринбосари Павел Сорокин маълум қилди.
Унинг сўзларига кўра, бу қарор ички ёқилғи бозоридаги ўзгарувчанлик ва бензин нархининг кескин ошишига йўл қўймаслик учун қабул қилинган.
Юқори мартабали амалдорнинг қайд этишича, сўнгги бир ой ичида Россиядаги нефтни қайта ишлаш заводлари бензин ишлаб чиқаришни 5 фоизга, дизель ёқилғиси ишлаб чиқаришни эса 14 фоизга оширган.
Чекловлар Евроосиё иқтисодий иттифоқи мамлакатларига бензин етказиб бериш бўйича аввал эришилган келишувларга тааллуқли эмас.
