Россиянинг Абу-Дабидаги музокаралар делегациясига Бош разведка бошқармаси (ГРУ) раҳбари Игор Костюков бошчилик қилади. Делегация таркибига Мудофаа вазирлиги раҳбарияти вакиллари ҳам киритилган. Бу ҳақда Россия президентининг ёрдамчиси Юрий Ушаков маълум қилди.
Шунингдек, Россия ва АҚШ ўртасидаги икки томонлама иқтисодий гуруҳ раҳбарлари сифатида икки давлат президентларнинг махсус вакиллари — Кирилл Дмитриев ва Стив Уиткофф алоҳида учрашув ўтказади.
Кремл баёнотида таъкидланишича, ҳудудий масала ҳал этилмасдан туриб, Украина можаросини узоқ муддатли тартибга солиш имконсиз. Россия сиёсий келишувга эришилмагунча жанг майдонида қўйилган мақсадларига эришишни давом эттиради.
Бундан ташқари, Россия музлатилган активлардан 1 миллиард долларни “Тинчлик кенгаши” бюджетига йўналтиришга, қолган маблағларни эса тинчлик шартномаси тузилгач Украина ҳудудларини тиклаш учун сарфлашга тайёр эканини билдирган.
Музокаралар чоғида “Тинчлик кенгаши” ташаббуси, Гренландия атрофидаги вазият ҳамда бошқа минтақавий масалалар ҳам муҳокама қилинган.
"Дунё гўзали" танлови иштирокчиси кийимида Ўзбекистон байроғи рамзларидан фойдалангани учун жаримага тортилди
Хитой АҚШни Гренландия масаласи бўйича огоҳлантирди
Ҳафтанинг иккинчи ярмида ҳаво ҳарорати -13° гача тушади
