Россия АҚШ санкцияларига жавобан Америка ОАВларига қарши чеклов чораларини қўллайди — Песков

РФ президенти матбуот котибининг айтишича, айрим чоралар аллақачон амалга оширилган.

"Тўғридан-тўғри айни чоралар бўлмайди, чунки АҚШда давлат ахборот агентлиги ёки телеканали йўқ. Аммо, албатта, уларнинг ОАВлари ахборот тарқатишига нисбатан чекловлар киритилади," — деди Песков.

Чоршанба куни АҚШ “Россия Сегодня” медиа гуруҳи, РИА Новости, РТ, Sputnik, Ruptly’га қарши санкциялар жорий қилди. Чекловлар ушбу ОАВлар етакчиларини ҳам ўз ичига олади.