Россия ҳужумларни асосан Киев, Харков ва Киев вилоятига йўналтирган.
Киев шаҳри мэри Виталий Кличконинг маълум қилишича, ҳужумлар оқибатида бир киши ҳалок бўлди, яна тўрт киши яраланди, улардан уч нафари касалхонага ётқизилди. Дрон бўлаклари пойтахтнинг бир нечта туманларига қулаши оқибатида ёнғинлар чиққан. Бундан ташқари турар-жой бинолари, офис, шахсий хонадон шикастланиб, кўп қаватли уйлар ва тиббиёт муассасасининг ойналари синган.
Украина Фавқулодда вазиятлар бошқармаси маълумотларига кўра, Харковда 19 киши жабрланган, улар орасида бир бола ҳам бор. Уй-жойлар, ётоқхона, корхона, шунингдек, туғуруқхона ва шифохона шикастланган. Ёнаётган бинолардан одамларни эвакуация қилиш ва ҳодиса оқибатларни бартараф этишга 130 дан ортиқ қутқарувчи жалб қилинган.
Киев вилоятида эса зарбалар натижасида тўрт киши яраланган. Бровар ва Бориспол туманларида хусусий уйлар ва автомобилларга зарар етказилган.
"Дунё гўзали" танлови иштирокчиси кийимида Ўзбекистон байроғи рамзларидан фойдалангани учун жаримага тортилди
Хитой АҚШни Гренландия масаласи бўйича огоҳлантирди
Зеленский: "Россия катта зарба беришга тайёрланди ва уни амалга ошириш вақтини кутмоқда"
