Росатом Туркия президенти Ражаб Тоййиб Эрдўғандан мамлакатда иккинчи атом электр станциясини қуриш бўйича таклиф олди. Бу ҳақда 25-октабр куни давлат корпорацияси раҳбари Алексей Лихачев РТ телеканалига берган интервьюсида маълум қилди.
«Бу Туркия президенти жаноб Эрдўғоннинг бизга берган таклифидир. Бу ҳақда у Россия президенти Владимир Путин билан гаплашган. Ҳозир эса биз ҳукумат даражасида Қора денгизда жойлашган Синоп участкасида Туркиядаги иштирокимизни кенгайтириш бўйича маслаҳатлашувлар олиб бормоқдамиз», — деди Лихачев.
7 октабр куни Россия Бош вазири ўринбосари Александр Новак Россия Синоп майдонида Туркиядаги иккинчи атом электр станциясини қуриш имкониятларини ўрганаётганини ва бу лойиҳа учун оптимал ечим тайёрлаётганини айтди.
Россияда вақтинча меҳнат фаолиятини олиб бораётган ҳамюртларимиз учун муҳим хабар
Россия табиий газни қурол сифатида ишлатмоқда
Россиянинг газ бизнесида "тарихий воқеа" юз берди: Европага газ бериш нега тўхтатилди?
