Роналду YouTube'дан қанча даромад кўришга улгурди?

Сўнгги 72 соат ичида Криштиану Роналдунинг YouTube'даги обуначилари сони 42 миллионга етди.

Ундан олдин ҳеч ким YouTube'да 90 дақиқа ичида 1 миллион обуначига эга бўлмаган. У 24 соат ичида 28 миллион обуначига эришди, унгача YouTube тарихидаги ҳеч бир канал 24 соат у ёқда турсин, бир ой ичида 28 миллион обуначига етмаган эди.

Роналду ҳақиқий YouTube сенсациясига айланди. У қанча пул топди?

YouTube'нинг ҳозирги стандарт даромади ҳар 1000 кўриш учун тахминан 6 долларни ташкил қилади. Айни пайтда Криштианунинг аккаунтига кўришлар сони 177 миллиондан ошди.

Marca ҳисоб-китобларига кўра, Криштиану аллақачон имзолаган ҳомийлик шартномаларини ҳисобга олган ҳолда 72 соат ичида 100 миллион долларга яқин ишлаб топган.

Таққослаш учун, Мистер Бист биргина YouTube рекламасидан ойига тахминан 5 миллион доллар ишлаб топади.