Криштиану Роналду ва яна 6 нафар португалиялик футболчи Фернанду Сантушга термадаги фаолияти учун миннатдорчилик билдиришмади.
68 ёшли мутахассис терма жамоадаги 8 йиллик меҳнатидан сўнг бош мураббийлигини тарк этди.
Сантуш томонидан ЖЧ-2022га чақирилган 26 нафар футболчидан айни дамда 7 нафари мураббийнинг кетишига изоҳ бермаган. Улар орасида: Криштиану Роналду, Диого Коста, Жосе Са, Антониу Силва, Жоау Палинья, Рубен Невеш ва Рафаэль Леау бор.
Фернанду Сантушга Инстаграмда пост қолдирган Пепе биринчи бўлиб миннатдорчилик билдирди. Ундан кейин Бернарду Силва, Вильям Карвалью, Бруну Фернандеш ва бошқа футболчилар реакция билдиришди.
