Роналду ўғли билан бирга ўйнайдими?

Ҳужумчи Криштиану Роналду ҳали футболчилик фаолиятини якунлаш ҳақида ўйламаяпти. 39 ёшли футболчидан қачондир ўғли билан майдонга тушишини қабул қиласизми, деб сўрашди.

"У ҳозир 14 ёшда. Кўрамиз, оёқларим қандай ҳолатда бўлади", - деди Роналду ўзининг YouTube-каналидаги видеода.

Криштиану Роналду ҳозир 39 ёшда. Унинг "Ан-Наср" билан амалдаги шартномаси 2024/2025 йилги мавсум охиригача амал қилади. Олдинроқ матбуотда Роналду Саудия клуби билан шартномасини яна бир йилга узайтиришни режалаштираётгани ҳақида маълумот пайдо бўлганди.

Эслатиб ўтамиз, Криштиану Роналду фаолияти давомида беш марта “Олтин тўп”ни қўлга киритган.