Роналду «Ман Юнайтед»ни сотиб олишни орзу қилмоқда

"Ан-Наср" ҳужумчиси Криштиану Роналду гранд клубни сотиб олиши мумкин.

MatchDay Central хабарига кўра, португалиялик ўзининг яқин дўстига бир кун келиб ўзи ўйнаган "Манчестер Юнайтед" клуби хўжайини бўлиш орзуси борлигини айтган. Роналду келажакда "Олд Траффорд"га қайтишига ишонмоқда, аммо футболчи сифатида эмас, жамоа хўжайини сифатида.

Эслатиб ўтамиз, Криштиану Роналду 2003-2009, 2021-2022 йилларда "Манчестер Юнайтед" шарафини ҳимоя қилган. У "қизил иблислар" сафида жами 346 та ўйинда майдонга тушиб, 145 та гол урган ва 73 та голли узатмани амалга оширган. "МЮ" таркибида португалиялик тўққизта совринни қўлга киритди, улар орасида Чемпионлар лигаси ва учта АПЛ чемпионлиги бор.