Криштиану Роналду икки ўйинга дисквалификация қилинади.
Эслатиб ўтамиз, Саудия Арабистони Суперкубоги ярим финалида “Ал-Ҳилол” “Ан-Наср”ни мағлуб этди (2:1). 86-дақиқада бош ҳакам Криштиану Роналдуга қизил карточка кўрсатди - португалиялик рақибига тирсак билан зарба берди ва ҳакамга муштини кўтарди.
Тартиб-интизом қўмитаси португалияликнинг тушунтиришларини ўрганиб чиқди ва уни икки ўйинга дисквалификация қилишга қарор қилди. Бу ҳақда қўмитадаги манбаларга таяниб, “Asharq Al-Awsat” нашри хабар берди.
19 апрель куни “Ан-Наср” Саудия Арабистони чемпионатида “Ал-Фейха” билан, 27-да эса “Ал-Халиж” билан тўқнаш келади.
