Афсонавий бразилиялик футболчи Роналдино Қирғизистонга келишини маълум қилди.
“Барселона”нинг собиқ футболчисининг видеомурожаати Каталония клубининг Қирғизистондаги футбол академияси матбуот хизмати томонидан эълон қилинди.
Салом. Қирғизистон. "Барса" расман Қирғизистонда. Барса афсоналари билан бирга 3 кун сиз билан бирга бўламан. Яшасин Барса! Яшасин Каталония! Яшасин Қирғизистон”, — деди Роналдино.
Роналдино 28-30 август кунлари Жалолободдаги “Барселона” академиясининг очилиши доирасида Бишкекда бўлади.
30 август куни Бишкекда “Барселона” фахрийлари ва Марказий Осиё фахрийлари ўртасида ўйин бўлиб ўтади.
Қирғизистонга Каталония клубининг Карлес Пуёл, Ривалдо, Хавер Савиола ва бошқа таниқли футболчилари ҳам етиб келишади.
