«Ризеспор» Ҳусниддин Алиқулов бўйича муҳим янгиликни эълон қилди

Ўзбекистон миллий жамоаси марказий ҳимоячиси Ҳусниддин Алиқулов "Ризеспор"даги фаолиятини давом эттирадиган бўлди.

Турк клуби 26 ёшли ҳамюртимиз билан амалдаги келишувни 2027 йилнинг ёзигача узайтирганини эълон қилди.

Ҳозирда Алиқулов хочсимон боғлам жароҳатини даволамоқда. У 6-9 ой майдондан ташқарида бўлади.

Ҳусниддин 2023 йилда "Насаф"дан 400 минг еврога харид қилинганди. У турк жамоаси учун жами 68 та ўйинда 3 та гол уриб, 2 та ассист берди.