Reuters: НОВАТЭК ўзининг "Арктик СПГ 2" лойиҳаси доирасида суюлтирилган газ ишлаб чиқаришни тўхтатди

Reuters: НОВАТЭК ўзининг "Арктик СПГ 2" лойиҳаси доирасида суюлтирилган газ ишлаб чиқаришни тўхтатди.

Нашрнинг икки манбага таяниб ёзишича, бунга санкциялар ва суюлтирилган газни ташиш учун танкерлар етишмаслиги сабаб бўлган. Манбалардан бири объектда қурилиш ишлари ҳали ҳам давом этаётганини қайд этган.

Феврал ойида компания Кореянинг Hanwha Ocean кемасозлик заводидан учта газ ташувчини қабул қила олмагани хабар қилинган эди, чунки буюртмачи АҚШ санкцияларига дучор бўлган "Совкомфлот" тузилмасидаги компания ҳисобланади. Яна учта танкерни етказиб бериш ишчи кучи етишмаслиги сабабли кечиктирилди.