Республика бўйлаб 2 029 та мактабга замонавий компьютер синфлари етказила бошланди

Давлатимиз раҳбарининг 2021 йил 10 сентябрь куни кенгайтирилган тарзда ўтказилган видеоселектор йиғилишида умумтаълим мактабларини замонавий компьютер синфлари билан жиҳозлаш топшириғи берилган эди.

Мазкур топшириққа мувофиқ Республика бўйича 2 029 та мактабларни замонавий компьютер техникаси билан таъминлаш вазифаси белгиланди.

Бугунги кунда Халқ таълими вазирлиги томонидан республика бюджетидан 1 014 та замонавий компьютер синфлари харид қилинди ва вилоятлардаги умумтаълим мактабларига компьютер техникалари ортилган карвонда босқичма-босқич етказиб берилмоқда.