«Реал» Винисиус Жуниор учун Саудиядан келган рекорд таклифни рад этди

"Реал" ҳужумчиси Винисиус Жуниор Саудия Арабистони клублари қизиқиш доирасида қолмоқда.

Indykaila News хабар беришича, ўтган дам олиш кунлари номи ошкор этилмаган Саудия клуби "Реал" билан боғланиб, Винисиус учун 230 миллион евро миқдорида трансфер таклифи билдирган. Бироқ "қаймоқранглилар" бу масалада аниқ позициясини билдирди: жорий қишда Винисиус сотилмайди.

Жорий мавсумда 25 ёшли бразилиялик футболчи барча мусобақаларни ҳисобга олган ҳолда 29 та ўйинда иштирок этди, 6 та гол урди ва 8 та голли узатмани амалга оширди.

Винисиуснинг "Реал" билан амалдаги меҳнат шартномаси 2027 йил ўрталарига қадар мўлжалланган.