"Реал" Испания кубоги 1/16 финалида "Талавера"ни мағлуб этди

"Реал" Испания Кубоги 1/16 финалида "Талавера"ни мағлуб этди - 3:2. Ўйин мамлакатнинг 3-дивизиони "Эл Прадо" клуби стадионида бўлиб ўтди.

Биринчи бўлим охирида Килиан Мбаппе пенальтидан унумли фойдаланди, шунингдек, мезбонлар ҳимоячиси Мануэл Фарандо ўз дарвозасини ишғол қилди. 80-дақиқада "Талавера" ҳужумчиси Науэл Арройе гол урди. Учрашув сўнгида жамоалар ўзаро голлар алмашишди - Мбаппенинг тўпига мезбонлар Гонсало Ди Ренцонинг аниқ зарбаси билан жавоб қайтаришди.

"Реал"нинг 1/8 финалдаги рақиби қуръа натижаларига кўра аниқланади.