Эдер Милитао "Реал"нинг навбатдаги ўйинида майдонга тушиши мумкин.
Мадридликлар ҳимоячиси ўтган йилнинг ноябрь ойида хоч боғламидан жароҳат олганди. Июнь ойида футболчи жамоа билан машғулотларга қайтди.
Ҳозирда бразилиялик футболчи АҚШда бўлиб ўтаётган клублар ўртасидаги жаҳон чемпионатида "Реал" билан бирга.
Marca хабарига кўра, Милитао эртага бўлиб ўтадиган "Ювентус"га қарши 1/8 финал баҳсида ўйин амалиётига эга бўлишга умид қилмоқда. Келажакда эса футболчи жамоанинг асосий таркибига қайтишни истайди.