“Спорт” телеканали 9 ноябрь кунги Ўзбекистон – Қирғизистон ўртасидаги ўртоқлик учрашуви жонли эфирда намойиш этилишини расман эълон қилди.
Олдинроқ, терма жамоамиз бош мураббийи Вадим Абрамов гуруҳдаги асосий рақиб Саудия Арабистони ўйинимизни ўрганмаслиги ва ўртоқлик учрашувига кўпроқ мухлис келиши учун Қирғизистонга қарши учрашув ТВ орқали трансляция қилинмаслиги ҳақида маълум қилганди.
Бугун эса матбуот анжуманида «Телевидение хоҳласа, Қирғизистон билан ўйинни трансляция қилаверсин» дея фикр билдирганди. Орадан кўп ўтмай, “Спорт” телеканали учрашув тўғридан-тўғри эфирда намойиш этилишини маълум қилди.
Эслатиб ўтамиз, Ўзбекистон - Қирғизистон ўртасидаги ўртоқлик учрашуви 9 ноябрь куни соат 17:00да “Пахтакор” стадионида бошланади.
Актриса Гавҳар Шарипова сиёсатга ҳам аралашган экан (ВИДЕО)
Фожиа! Таниқли ўзбек актрисаси аварияда ҳалок бўлди
Гавҳар Шарипованинг ўлими бўйича қўшимча маълумот берилди: «Актрисага шилқимлик қилинган, у эса юриб кетаётган юк машинасидан ўзини ташлаган»
