Рамон Вега FIFA президентлигига номзодини қўймоқчи

“Тоттенхем”нинг собиқ ҳимоячиси Рамон Вега FIFA президентлиги учун сайловда ўз номзодини қўймоқчи.

Швейцариялик футболчи 2004 йилда фаолиятини якунлагандан кейин асосан молия соҳасида ишлаган. У 2015, 2019 ва 2022 йилларда FIFA президентлиги учун сайловда ўз номзодини қўймоқчи бўлган, аммо сайловда қатнашиш учун минимал талабни бажара олмаган: номзодни 211 та миллий федерациядан камида 5 таси қўллаб-қувватлаши керак.

“Ҳаёт мени футболга хизмат қилишга тайёрлади, шу сабабли катта саҳнага чиқишга қарор қилдим. Мен глобал футбол оиласи олдида камтарлик, қатъият ва чуқур масъулият ҳисси билан турибман. Футбол президентларга, конфедерацияларга ёки маъмурларга тегишли эмас. Футбол ҳар қандай лавозимдан, ҳар қандай шахсдан ёки ҳар қандай муассасадан каттароқ. Футбол ҳозир реанимацияда, ҳаётни таъминлаб туриш аппаратига уланган. Биз бошқа кута олмаймиз. ФИФАга янги йўналиш ва туб ислоҳотлар керак”, деди “Селтик”, “Уотфорд” ва “Грасшопперс” жамоаларида тўп сурган 55 ёшли собиқ футболчи.