Украина ташқи ишлар вазири Андрей Сибиганинг маълум қилишича, Россия мамлакат ғарбида жойлашган АҚШ корхонасига ракета зарбаси берган.
"Ракеталардан бири мамлакатимизнинг энг ғарбий ҳудудида жойлашган Қўшма Штатларнинг йирик электроника ишлаб чиқарувчи корхонасига тегди, бу эса жиддий зарар ва талофатларга олиб келди. Мазкур объект тўлиқ фуқаролик мақсадларига хизмат қилади, мудофаа ёки ҳарбий соҳа билан ҳеч қандай алоқаси йўқ", — деб ёзди Украина ТИВ раҳбари Х ижтимоий тармоғида.
Сибиганинг сўзларига кўра, Россиянинг кенг кўламли тунги ҳужуми “урушни тўхтатишга қаратилган барча саъй-ҳаракатларга зид равишда” амалга оширилган.
Украина Қуролли кучларининг хабар беришича, тунда Киев, Лвов, Закарпате, Чернигов, Днепр, Запороже, Суми вилоятлари ва бошқа ҳудудларга зарбалар кузатилган. Ушбу ҳужумлар оқибатида бир киши ҳалок бўлган, 12киши жароҳатланган.
Украина Қуролли кучлари Ҳарбий-ҳаво кучлари маълумотларига кўра, Россия жами 546 та дрон ва 30 дан ортиқ турли хил ракета қўллаган. Украина ҳарбийлари жами 577 та нишонни уриб туширишга муваффақ бўлганин.
Қишлоқ хўжалиги вазири қўлга олинди
«Америкача ишдаги ишқ»: ҳоким аёл 100 йилга қамалиши мумкин
Исроилга таҳдид: "Мамлакат фалаж қилинади"
