Наманган вилоятининг чекка ҳудуди — Косонсой туманидан чиққан ёш жангчи Раҳимхон Баҳодирхонов АҚШда профессионал MMAда ўз фаолиятини бошламоқда. У яқинда расмий профессионал контракт имзолади ва 2026 йил январь ойида “Lights Out Xtreme Fighting” (LXF) лигасида ўзининг профессионал дебют жангида иштирок этади.
Раҳимхон ҳозирда Калифорния штатидаги Ҳантингтон-Бич шаҳрида жойлашган Kings MMA жамоасида собиқ UFC жангчиси ва тажрибали мураббий Леонардо “Macarrão” Мафра Тейшейра қўл остида машғулотлар ўтказмоқда. Мафра Рахимхонни "NextGenMMArts" агентлиги орқали бошқариб, унинг халқаро спорт йўлини профессионал даражада ривожлантирмоқда.
“Бу менинг орзуларим сари энг муҳим қадам, — дейди Раҳимхон. — Косонсойда бошланган йўлимни энди АҚШ октагонида давом эттиряпман. Январь ойидаги жангда Ўзбекистон байроғини фахр билан кўтараман.”
Раҳимхоннинг дебют жанги 125 фунт (Flyweight) вазн тоифасида бўлиб ўтади. У Ўзбекистонни халқаро MMA саҳнасида муносиб тарзда ҳимоя қилиб, кейинги мақсади сифатида UFC даражасига чиқишни режалаштирмоқда.
Эронда 61 млн тонналик олтин захираси топилди
АҚШ 2026 йилдан долларнинг янги намуналарини муомалага киритади
Москва суди фақат Ўзбекистон ва Қирғизистон фуқаролари ишга олиниши кўрсатилган эълонларни тақиқлади
