Қўшма Штатлар NATO билан муносабатларни қайта кўриб чиқади — АҚШ Давлат котиби

Марко Рубио Эрон билан уруш тугаганидан кейин Вашингтон Шимолий Атлантика альянси билан алоқаларни ислоҳ қилишини маълум қилди.

У Al Jazeera телеканалига берган интервьюсида NATO бўйича иттифоқчилар, жумладан Испаниянинг позициясидан қаттиқ норозилигини билдирди.

Рубионинг фикрича, альянсда мажбуриятлар фақат бир томонлама бўлмаслиги керак, агар АҚШ Европани ҳимоя қилса-ю, лекин керак пайтда у ердаги базалардан фойдаланишга рухсат берилмаса, бу Вашингтон учун фойдали келишув эмас.

Оқ уйдаги манбаларга кўра, Доналд Трамп ҳарбий харажатларни ЯИМнинг 5 фоизига етказмаган аъзоларни овоз бериш ҳуқуқидан маҳрум қилмоқчи. Ҳатто АҚШ қўшинларини Германиядан бутунлай олиб чиқиш масаласи ҳам муҳокама қилинмоқда.