АҚШ Давлат департаменти барча давлатлардан Эроннинг Исроилга баллистик ракета ҳужумини қоралашда АҚШга қўшилишини талаб қилди.
Давлат департаменти матбуот котиби Метю Миллер Исроилни АҚШ қўллаб-қувватлашига яна бир бор ишонтириб, «Исроил ўзини ҳимоя қилиш ҳуқуқига эга» ва «Эрон бу ҳужумнинг оқибатларига дуч келиши керак»лигини такрорлади.
🗣 «Бугун мен бу оқибатлар нима эканлиги ҳақида гапирмоқчи эмасман, лекин биз исроиллик ҳамкасбларимиз билан ўз ҳаракатларимизни мувофиқлаштирган нарсалар бор. Ўйлайманки, бу ҳужумдан сўнг биз улар билан эҳтимолий жавоб чораларини мувофиқлаштирамиз», — деди у.