Қўқон шаҳрида ҳуқуқни муҳофаза қилувчи орган ходимлари томонидан ўтказилган тадбирда олдиндан кузатувга олинган ушбу шаҳар ҳудудида ҳаракатланаётган фуқаро бошқарувидаги Damas автомашинаси яшаш хонадонларининг бирини олдига яқинлашган вақтида белгиланган тартибда тўхтатилиб кўздан кечирилди.
Кўздан кечириш жараёнида автомашина салонида 16 дона қутиларда жами 900 донага яқин мушак пиротехника воситалари борлиги аниқланди.
Ҳайдовчининг кўрсатмасига асосан тезкор тадбир давом эттирилиб, автомашина яқинлашган хонадон ҳам белгиланган тартибда холислар иштирокида кўздан кечирилганида, яшаш хонадонида ҳам 50 дона қутиларда жами 2800 дона мушак пиротехника воситалари борлиги аниқланди. Бу ҳақда Фарғона вилояти Божхона бошқармаси Матбуот хизмати хабар берди.
Ўтказилган кенг қамровли тезкор тадбир давомида дастлабки қиймати 1 млрд 35 млн сўмлик жами 66 та қутиларда 3700 донага яқин "7 SHOTS" номли мушак пиротехника воситалари ҳолати бўйича тегишли тартибда процессуал ҳужжатлар расмийлаштирилиб, вақтинча сақловга олинди.
Ҳозирда мазкур ҳолат юзасидан терговга қадар текширув ҳаракатлари олиб борилмоқда.
Пўлат Бобожонов лавозимидан озод этилди, Абдусалам Азизов янги лавозимга тайинланди
Самарқандда можарога сабаб бўлган бинони бузиш бошланди (видео)
Фарғонада “ёввойи” кимса пайдо бўлгани ростми?
