Қорақалпоғистон Жуқорғи Кенгеси раиси Аманбай Оринбаев UNESCOнинг Ўзбекистондаги доимий вакили Сара Ношади билан учрашди.
Учрашувда маданий мерос объектларига эътиборни янада кучайтириш, уларни ҳимоя қилиш ва сақлаш, бир неча асрлик миллий маданиятимизнинг ажойиб дурдоналарини асраб авайлаш бўйича фикр алмашилди. Шунингдек, уларни UNESCO рўйхатига киритиш, илм-фан, маданият йўналишида ҳамкорликни йўлга қўйишни кенгайтириш масалалари муҳокама этилди.
Учрашувда Қорақалпоқ миллий чолғу асбоби – Қўбизни UNESCO рўйхатига киритиш ишларини жадаллаштириш бўйича келишиб олинди.
