Қозоғистонлик болаларнинг аҳволи барқарор

2 ноябрь куни омбудсман вакиллари болалар даволанаётган шифохонага бориб, уларнинг аҳволи билан танишган.

3 ноябрь ҳолатига кўра, шифохонада 18 нафар бемор, жумладан, 12 нафар бола ва 6 нафар катта ёшли шахс стационар даволанмоқда. Уларнинг аҳволи барқарор деб баҳоланмоқда

Таъкидланишича, Болалар омбудсмани Қозоғистондаги ҳамкасби билан доимий алоқада бўлиб, зарур чораларни ҳамкорликда кўрмоқда.

Аввалроқ, Тошкентда касалхонага ётқизилган қозоғистонлик болалар билан боғлиқ ҳолат юзасидан тергов бошлангани маълум қилнганди.

Бу ҳақда Бош прокуратура матбуот котиби Ҳаёт Шамсутдинов хабар берди.

Унинг сўзларига кўра, ҳолат юзасидан Чилонзор тумани прокуратураси томонидан жиноят иши қўзғатилган.

Ҳозирда дастлабки тергов ҳаракатлари олиб борилмоқда.