Актобеликлар минтақанинг янги асосий аренасини қуриш учун ажратилган маблағни расман маълум қилишди.
Актобе вилояти ҳокими Асхат Шахаровнинг сўзларига кўра, лойиҳа 65 дан 70 миллиард тенгегача туради.
Лойиҳа 34 980 кишилик сиғимга эга замонавий "Актобе Арена" стадиони ҳақида кетмоқда. Қурилиш 2025 йилда бошланиб, 2027 йилда якунланиши режалаштирилган.
Шунингдек, Шахаров мухлислар янги аренадаги биринчи ўйинни қачон кўришлари мумкинлигига ҳам аниқлик киритди:
"Актобе" ўзининг илк ўйинини 2027 йил кузида ўтказади".
Янги арена халқаро турнирлар стандартларига жавоб берадиган мамлакатдаги энг йирик ва энг замонавий спорт иншоотларидан бирига айланиши кутилмоқда.
