Қозоғистонда ўз хотинини шафқатсизларча калтаклаганликда айбланаётган эркак судга келди.
Бу ҳақда "Казинформ" хабар бермоқда.
Терговчиларнинг аниқлашича, эр-хотинлар ўртасидаги можарога рашк сабаб бўлган, натижада аёл оғир тан жароҳати олган. Судланувчи жанжал давомида маст ҳолатда бўлган.
Судланувчи ёпиқ суд мажлисини ўтказишни сўраган, бироқ унинг илтимоси рад этилган. Кейинги суд мажлиси 5 декабрга белгиланган.
Воқеа шу йилнинг июль ойида юз берган. Оилавий жанжал чоғида эр хотинини аёвсиз калтаклаган, сўнг отга боғлаб, дашт бўйлаб судраб олиб кетган.
Аёл кўплаб жароҳатлар олган, жумладан, мия шиши ва бош суяги, оёқ-қўллари ва тос суяги синган. Шунингдек, жабрланувчида судралиш излари топилган. Бемор касалхонага ётқизилган, бироқ шифокорлар уни қутқара олмаган.
Эркакка нисбатан баданга оғир шикаст етказиш моддаси бўйича иш очилган, бироқ унинг яқинлари оғирроқ моддани талаб қилишган.
Каспий денгизи иккига ажралиши мумкин
Тошкент вилояти ва Тошкент шаҳрида "ерфурушлар" қўлга тушди
АҚШнинг Тошкентдаги элчихонаси эълони
