Қозоғистон ва Ўзбекистон Ташқи ишлар вазирлари кенгашининг биринчи йиғилишида икки қўшни давлат ўртасидаги ҳамкорликни кенгайтириш бўйича аниқ қадамлар муҳокама қилинди.
Қозоғистон Ташқи ишлар вазирлиги матбуот хизмати хабар беришича, учрашув якунлари бўйича протокол имзоланди.
"Икки мамлакат давлат органларининг савдо-саноат кооперацияси, транспорт-логистика, сув муносабатлари ва маданият соҳаларида ҳамкорликни кенгайтиришга оид маърузалари тингланди”, — дейилади хабарда.
Вазирлар, шунингдек, минтақавий ва халқаро кун тартибидаги долзарб масалалар бўйича "соатларни синхронлаштирдилар". Улар кўп томонлама тузилмалар доирасида янада яқин ҳамкорлик қилишдан манфаатдор эканликларини тасдиқладилар ва бундан буён ҳам икки давлат ташаббусларини илгари суришда ўзаро ёрдам кўрсатишга тайёр эканликларини билдирдилар.
Ташқи сиёсат идоралари раҳбарлари минтақавий ҳамкорликни янада ривожлантириш ҳамда Марказий Осиёда барқарорлик ва барқарор ривожланишни мустаҳкамлаш, жумладан, Марказий Осиё давлатлари, Оролни қутқариш халқаро жамғармаси раҳбарларининг Маслаҳат учрашувлари, шунингдек, СА+ форматлари доирасидаги ҳамкорликдаги саъй-ҳаракатлар муҳимлигини таъкидладилар.
Ташриф давомида вазирлар ЮНЕСКОнинг Бутунжаҳон мероси рўйхатига киритилган Ичанқалъа шаҳрининг тарихий маркази – Хива шаҳридаги маданий обидалар ҳамда Хоразм миллий уй-жой қурилишининг анъанавий хусусиятларини ўзида мужассам этган Нуруллабой саройида бўлди.
Россия ҳарбийлари Украина Қуролли кучларининг қурол заводи ва аэродромига зарба берди
АҚШ мудофаа вазирининг қўлида арабча ёзилган татуировка борми?
Россия Арманистонга таҳдид қилмоқда: “иккита стул” бўлмайди
