Қозоғистон ТИВ фуқароларига Исроил ва Ливанга ташриф буюришдан вақтинча воз кечишни тавсия қилди

Яқин Шарқдаги вазият ёмонлашгани муносабати билан Қозоғистон Республикаси Ташқи ишлар вазирлиги Қозоғистон фуқароларига ушбу минтақадаги вазият барқарорлашгунга қадар Исроил ва Ливанга ташриф буюришдан вақтинча тийилишларини тавсия қилади, деб хабар беради Қозоғистон ТИВ матбуот хизмати.

- Ҳозирда ушбу давлатларда бўлган Қозоғистон фуқароларидан ўта зарурат бўлмаса уйларини тарк этмасликлари, кучайтирилган хавфсизлик чораларига риоя қилишлари, ҳушёр ва эҳтиёт бўлишлари, сўнгги янгиликларни кузатиб боришлари, шунингдек, Ташқи ишлар вазирлиги ва Исроил ва Ливандаги Қозоғистон элчихоналари билан алоқада бўлишлари сўралади, — дейилади ҚР ТИВ баёнотида.

Қўшимча ва ўз вақтида маълумот олиш учун юқоридаги давлатлар ҳудудида жойлашган Қозоғистон Республикаси фуқаролари ва уларнинг Қозоғистондаги қариндошлари учун фавқулодда алоқа линиялари очиқ.

ҚР ТИВ телефон рақамлари

+7 7172 720111 (навбатчи дипломат)

+7 705 4433332 (уяли телефон, WhatsApp)

Қозоғистон Республикасининг Исроилдаги элчихонасининг телефон рақамлари

+972 (3) 503 78 85 (навбатчи)

+972 53 635 19 83 (уяли телефон, WhatsApp)

Қозоғистон Республикасининг Ливандаги элчихонаси телефон рақамлари

+ 961 04 713 447 (навбатчи)

+ 961 70 069 977 (уяли телефон, WhatsApp)

+ 961 71 116 004 (уяли телефон, WhatsApp)