Қозоғистон президенти Қосим-Жомарт Токаев Ташқи разведка хизмати директори ва аксилтеррор хизмати раҳбарини ишдан бўшатди.
Бу ҳақда Қозоғистон раҳбари матбуот хизмати хабар берди.
«Руслан Темиргалиевич Сейсембаев Қозоғистон Республикаси Миллий хавфсизлик қўмитаси раисининг ўринбосари – аксилтеррор хизмати раҳбари лавозимидан озод этилди.
Амерханов Асқар Баймерденович Қозоғистон Республикаси Миллий хавфсизлик қўмитаси раисининг ўринбосари – Ташқи разведка хизмати директори лавозимидан озод этилди», — дейилади хабарда.
Бу қарорларининг сабаблари кўрсатилмаган.