Қозоғистон пойтахтида ШҲТ энергия форуми бўлиб ўтади

Октябрь ойида Қозоғистон пойтахтида ШҲТ энергия форуми бўлиб ўтади.

Бу ҳақда ШҲТга аъзо давлатлар энергетика вазирларининг видеоконференция шаклида ўтказилган учинчи йиғилишида маълум қилинди.

Июнь ойида ШҲТ органларига раислик Ҳиндистондан Қозоғистонга ўтади. Энергетика вазири Акчулаковнинг сўзларига кўра, Тоқаев ташаббуси билан Қозоғистон 2030 йилгача ҳамкорликнинг асосий йўналишларини ўз ичига олган ШҲТнинг Энергетика стратегиясини ишлаб чиқмоқда.

ШҲТга аъзо давлатлар энергетика вазирларининг навбатдаги йиғилиши 2024 йилнинг июнь ойида ўтказилиши режалаштирилган.